Saturday, July 10, 2010

നല്ലവന്‍

നില്‍ക്കെടാ അവിടെ ....നിന്നെ ഇന്നു കയ്യില്‍ കിട്ടും എന്ന് എനിക്കറിയാമായിരുന്നു.

മം... അതെങ്ങനെ എത്ര കൃത്യമായി അറിയാം ?

എടാ കുറച്ചു ദിവസമായി പടമോന്നുമില്ലാത്തത് കൊണ്ട് കണ്ട അലമ്പ് എഴുതി നടക്കുക അല്ലായിരുന്നോ നീ ? ഇന്നു രണ്ടു പടം ഇറങ്ങിയ സ്ഥിതിക്ക് ഈ പരിസരത്ത് നിന്നെ കാണാന്‍ കിട്ടും എന്നറിയാന്‍ കോമണ്‍ സെന്‍സ് മാത്രം പോരേടാ?

അത് നില്കട്ടെ അണ്ണന്‍ ഇതു പടം കണ്ടിട്ട് വരുന്ന വഴിയാ? അത് പറഞ്ഞാല്‍ നമ്മുടെ പണി കുറഞ്ഞു .

എടെ ഞാന്‍ നല്ലവന്‍ എന്ന പടമാണ് ഇന്നലെ കണ്ടത്.

അന്നോ? ശരി അതെങ്ങില്‍ അത് എങ്ങനെ ഉണ്ട് സംഗതി ?

അജി ജോണ്‍ എന്ന പുതു മുഖ സംവിധായകനാണ് ചിത്രം ഒരുക്കിയിരിക്കുനത് . ഒരു പുതു മുഖ സംവിധായകന്‍ ചെയ്ത പടം എന്ന നിലയിക്ക് ഈ പടത്തിന്റെ കുറവുകള്‍ ക്ഷമിക്കാവുന്നതെ ഉള്ളു എന്നതാണ് എനിക്ക് തോന്നിയത്.

ഓഹോ അപ്പോള്‍ കുറവുകള്‍ ഉണ്ടല്ലേ . പറ പറ എന്നിട്ട് വേണം എനിക്കൊന്നു തകര്‍ക്കാന്‍ .

ഡേ... അടങ്ങേടെ .. ആദ്യം കഥയെ പറ്റി പറയാം . തമിള്‍ നാട്ടില്‍ ( അതോ കേരള തമിള്‍ നാട് അതിര്‍ത്തിയിലോ ?) ഉള്ള ഒരു ജന്മിയുടെ (സായി കുമാര്‍) വീടിലെ ജോലിക്കാരിയാണ് മല്ലി (മൈഥിലി ) . അവളുടെ അകന്ന ബന്ധുവും കളികൂട്ടുകാരന്‍ കം കമുകനുമാണ് കൊച്ചു ചെറുക്കന്‍ (ജയസൂര്യ).ജന്മിക്കു വേലക്കാരിയെ നോട്ടമുണ്ട് . ആയതിനാല്‍ നായകനെ കൊണ്ട് മല്ലിയെ കെട്ടാന്‍ സമ്മതിക്കുന്നില്ല .പകരം ബന്ധുവും സ്ഥലം മണ്ടനും അയ സിറാജ് ഇനെ കൊണ്ട് കേട്ടിക്കാനാണ് പരിപാടി . നിവര്‍ത്തി ഇല്ലാതെ നായികാ നായകന്മാര്‍ ഒളിച്ചോടുന്നു . വഴിയില്‍ തടയുന്ന കുമാരേശന്‍ പോലീസിന്റെ (സിദ്ദിഖിന്റെ )ഒരു കണ്ണ് അടിച്ചു പൊട്ടിച്ചു അവര്‍ രക്ഷപെടുന്നു .തമിള്‍ നാട്ടില്‍ എത്തുന്ന അവര്‍ സുഹൃത്തായ (സുധീഷ്‌ ) ഇന്റെ വീട്ടില്‍ എത്തുന്നു സുധീഷും അമ്മ ബിന്ദു പണിക്കരും അവരെ സ്വീകരിച്ചു സഹായിക്കുന്നു.കല്യാണം കഴിക്കാന്‍ പ്രായ പൂര്‍ത്തി ആകാനായി ഒരു വര്‍ഷം കാത്തിരിക്കുന്ന നായികാ നായകന്മാരുടെ ജീവിതത്തിലേക്ക് , അവരുടെ കല്യാണ തലേന്ന് കുമാരേശന്‍ പോലിസ് കടന്നു വരുന്നു.കള്ള കേസില്‍ കുടുക്കി ജയിലില്‍ അടയ്ക്കപെടുന്ന നായകന്റെ പിന്നീടുള്ള ദുരിതങ്ങളും അതിനെതിരെയുള്ള പോരാട്ടവും ആണ് തുടര്‍ന്ന് കഥ മുന്നോട്ടു കൊണ്ട് പോകുന്നത്.

ഓ... അപ്പോള്‍ തന്നെ ഒരു പോയിന്റ്‌ കിട്ടി സ്ഥിരം കഥ , പുതുമയില്ല അല്ലെ ?

എടേ നീ എങ്ങനെ കേറി സൂപ്പര്‍ താരങ്ങളെ ആരാധിക്കാതെ. കഥയിലെ പുതുമ അവിടെ നില്കട്ടെ . ( പിന്നെ ഇപ്പോള്‍ ഇറങ്ങുന്ന എല്ലാ മലയാള പടത്തിലും അന്യായ പുതുമയാന്നല്ലോ). കഥയുടെ തുടക്കവും ഒന്നാം പകുതിയും വളരെ നന്നായി കൊണ്ട് പോകാന്‍ സംവിധായകന് കഴിഞ്ഞിടുണ്ട് . ഒരു പുതു മുഖ സംവിധായകന്‍ ആയതിന്റെ പാളിച്ചകള്‍ എദൈക്കിടെ കാണാം എങ്കിലും . പക്ഷെ രണ്ടാം പകുതി തുടക്കം മുതല്‍ പടത്തിനു വലിച്ചില്‍ അനുഭവപ്പെടുന്നുണ്ട് .രണ്ടാം പകുതിയില്‍ ,കുറഞ്ഞ പക്ഷം ക്ലൈമാക്സ്‌ എങ്കിലും നന്നാക്കാം ആയിരുന്നു .New Generation തമിള്‍ പടങ്ങളെ അനുകരിക്കാന്‍ ബോധപൂര്‍വമോ അല്ലാതെയോ ഒരു ശ്രമം സംവിധായകന്റെ ഭാഗത്ത്‌ നിന്നുണ്ട്.അതിന്റെ ഗുണവും ദോഷവും നമുക്ക് ചിത്രത്തില്‍ പ്രതേകിച്ചു രണ്ടാം പകുതിയില്‍ കാണാം.പക്ഷെ മൊത്തത്തില്‍ കണ്ടിരിക്കാവുന്ന ഒന്നായിട്ടാണ് ഈ പടത്തെ കുറിച്ച് എനിക്ക് തോന്നിയത് .കുറച്ചു കൂടി ശ്രദ്ധ ഉണ്ടായിരുന്നെങ്ങില്‍ ഒരു പക്ഷെ ഈ വര്‍ഷത്തെ ഏറ്റവും നല്ല ചിത്രങ്ങളില്‍ ഒന്നായേനെ നല്ലവന്‍ .

അപ്പോള്‍ അഭിനയമോ ? അത് വെറും ബോര്‍ ആയിരിക്കുമല്ലോ ?

ജയസൂര്യ തന്റെ ഭാഗം ഉത്തരവാദിത്വത്തോടെ ചെയ്തിടുണ്ട് .makeup ഇല്‍ മാറ്റം വരുത്തുമ്പോള്‍ ശരീര ഭാഷയില്‍ വരുത്തേണ്ട മാറ്റം കൂടി മനസ്സില്‍ ഉണ്ടെങ്കില്‍ ഈ നടന് ‌ ശോഭിക്കാന്‍ കഴിയും. പൊരി വെയിലത്ത്‌ നടക്കുമ്പോളും നായിക ഉള്‍പെടെ ഉള്ളവര്‍ തികഞ്ഞ സുന്ദരീ സുന്ദരന്മാരായി കാണിക്കുന്നത് കഷ്ടമാണ്.അത് പോലെ ഹാസ്യ നടന് അധികമായി മുളകരച്ച സംഭാരം കൊടുത്തു പറ്റിക്കുന്ന നായിക, ഷീലയുടെ കാലത്ത് ഉള്ളതല്ലേ . സുധീഷ്‌ , സിറാജ് എന്നിവരാണ്‌ തങ്ങളുടെ കഥാപാത്രങ്ങളെ നശിപ്പിച്ചവര്‍. സുധീഷ്‌ ദയവായി തനിക്കു പറ്റുന്ന കഥാ പാത്രങ്ങളെ അവതരിപ്പിക്കാന്‍ ശ്രമിക്കുക . അദേഹത്തിന്റെ വേഷം അഭിനയത്തിന് മറ്റു കൂടുന്നു എന്ന് പറഞ്ഞാല്‍ ഒന്നും തോന്നരുത് . വില്ലനായ സിദ്ദിഖിന്റെ വേഷവും ശരീര ഭാഷയും കഥാ പത്രത്തിന് യോജിക്കുന്നതാണ് . (ജയസൂര്യക്ക് ഈ വിഷയത്തില്‍ ഈ കഥാപാത്രം ഒരു മാതൃക ആക്കാവുന്നതാണ് ) പാലേരി മാണിക്യം,ചട്ടമ്പി നാട് എനീ ചിത്രങ്ങളില്‍ ഒട്ടും നന്നകാതെ പോയ (അഭിപ്രായം എന്റെ സ്വന്തം )മൈഥിലി ഈ ചിത്രത്തില്‍,അഭിനയത്തില്‍ വളരെ മുന്നോട്ടു വന്നിടുണ്ട് . എങ്കിലും കുറച്ചു ഹെവി രംഗങ്ങളില്‍ പാളി പോകുന്നുണ്ട് .(നായകനെ ജയിലില്‍ കാണാന്‍ വരുന്ന രംഗം ഉദാഹരണം . ഇവിടെ കൂവല്‍ കേള്‍ക്കാന്‍ നല്ല സാധ്യത ഉണ്ട്).സായികുമാറും വിജയകുമാറും ഒക്കെ വെറുതെ.

അപ്പോള്‍ ചുരുക്കത്തില്‍ പറഞ്ഞാല്‍ .....

മലയാള സിനിമയുടെ ഇപ്പോളത്തെ ഒരു അവസ്ഥ വെച്ച് കണ്ടിരിക്കാവുന്ന ചിത്രമാണ് നല്ലവന്‍ .കുറെ കൂടി നല്ലത് ആകാമായിരുന്നു എന്ന് മാത്രം

1 comment:

  1. വ്യത്യസ്തമായ ശൈലിയില്‍ ഉള്ള റിവ്യൂ.. ഇനിയും പ്രതീക്ഷിക്കുന്നു :)

    ReplyDelete